Qazaqstandyq delegasııany Qazaqstan Respýblıkasy Syrtqy ister mınıstriniń orynbasary Roman Vasılenko, Slovenııa delegasııasyn - Syrtqy ister mınıstrliginiń Memlekettik hatshysy Andreı Logar basqardy.
Dıplomattar saıası, ekonomıkalyq jáne mádenı-gýmanıtarlyq ózara árekettestiktiń keń aýqymyn egjeı-tegjeıli talqylap, áriptestikti keńeıtýge degen ózara beıildiligin rastady. Syrtqy ister mınıstrlikteri arasynda ekonomıkalyq dıplomatııa aıasyndaǵy ózara is-qımyldy jandandyrý týraly ýaǵdalastyqqa qol jetkizildi (2017 jyly ekijaqty saýda aınalymy 100 mln. eýrodan astam qurady). R. Vasılenko búgin QR SIM aldynda turǵan negizgi mindetterdiń biri Qazaqstanǵa ınvestısııalar men jańa tehnologııalardy tartý bolyp tabylatynyn aıtty.
Osyǵan oraı, 2018 jylǵy 5-6 maýsymda Astanada ótken Qazaqstan-Slovenııa ekonomıkalyq yntymaqtastyq jónindegi úkimetaralyq komıssııasynyń tórtinshi otyrysynyń nátıjelerin, sondaı-aq ekijaqty bıznes-forým aıasynda qol jetkizilgen ýaǵdalastyqtardy joǵary baǵalady.
Sonymen qatar, óz salalarynda kóshbasshy bolyp tabylatyn jáne búkil álemde ókildikteri bar Slovenııa kompanııalarynyń – KRKA (dári dármekter), Iskratel Group (IT sheshimder), Gorenje (turmystyq tehnıka), Bisol Group (kún batareıasy) tabysty jumysy atap ótildi. Jalpy, Qazaqstanda 20-ǵa jýyq Slovenııa kompanııalary qyzmet kórsetedi.
Taraptar yntymaqtastyqtyń IT (aqparattyq tehnologııalar), farmasevtıka, kólik ınfraqurylymy, logıstıka, týrızm, saýyqtyrý medısınasy, jasyl tehnologııalar jáne basqa da salalaryn perspektıvaly dep belgiledi.
R. Vasılenko slovenııalyq áriptesterin qazaqstandyq ekonomıkaǵa ınvestısııalaý múmkindikteri jáne Qazaqstandaǵy sheteldik ınvestorlar úshin artyqshylyqtar týraly habardar etti. Osyǵan oraı, Slovenııa tarapyn «EKSPO-2017» bazasyndaǵy jobalar – «Astana» Halyqaralyq qarjy ortalyǵyn, IT-startaptar halyqaralyq tehnoparkin jáne «jasyl» tehnologııalar jáne «Bolashaq energııasy» ınvestısııalyq jobalaryn damytý ortalyǵyn iske asyrýdaǵy belsendi yntymaqtastyqqa shaqyrdy.
Sondaı-aq, taraptar Eýrazııadaǵy tranzıt-kóliktik áleýetti damytý aıasyndaǵy ózara is-qımyldy jandandyrýǵa, onyń ishinde «Beldeý jáne jol» bastamasyn jáne Slovenııanyń Koper portynyń múmkindikterin paıdalaný iske asyrý ózara is-qımyldy jandandyrýǵa degen ortaq yntalaryn rastady.
Kelissózder barysynda Qazaqstannyń BUU Qaýipsizdik Keńesiniń turaqty emes múshesi retinde qyzmeti, Sırııalyq retteý jónindegi Astana prosesi, Ortalyq Azııa, Eýropalyq Odaq jáne Balqan óńiriniń elderi arasyndaǵy ózara is-qımyldyń pesrpektıva máseleleri boıynsha pikir almasýlar oryn aldy. R. Vasılenko Qazaqstan men Eýroodaq arasyndaǵy Keńeıtilgen áriptestik pen yntymaqtastyq týraly kelisim aıasynda Qazaqstan azamattary úshin vızalyq rejımdi jeńildetý boıynsha kelissózder bastaý máselesi boıynsha qoldaý kórsetkeni úshin Slovenııa tarapyna alǵysyn bildirdi.
Qazaqstandyq dıplomat Slovenııada bolǵan kezde Qazaqstannyń Marıbor men Novo-Gorısa qalalaryndaǵy Qurmetti konsýldary Gorazd Shıfrer men Dımıtrıı Pısıganyń qyzmetimen tanysty, sondaı-aq «Kazakh Invest» UK» AQ-nyń Ortalyq jáne Shyǵys Eýropadaǵy táýelsiz ókili bolyp tabylatyn Qazaqstan-Slovenııa bıznes klýbynyń Prezıdenti Deıan Shtansermen suhbat ótkizdi.
Sondaı-aq, Qazaqstannyń syrtqy saıası vedomstvosy basshysynyń orynbasary sapar barysynda Slovenııanyń Povır aýylyndaǵy ázirshe «Kasse Sebero» retinde belgili Qazaqstannyń qaharman-partızanynyń qabirine gúl qoıdy. Búgingi kúni, QR quzyretti organdary 1943 jyly qaıtys bolǵan jaýyngerdiń jeke basyn anyqtaý boıynsha jumys júrgizýde.
